علی امین گنڈا پوری کے ’’ گاڑی میں شہد کی بوتلیں رکھنے ‘‘ کے دعوے کا ڈراپ سین۔۔۔۔۔

دو سال قبل نومبر میں پاکستان تحریک انصاف اسلام آباد میں احتجاج اور لاک ڈائون کرنے جارہی تھی لیکن پھر قانونی راستہ اختیار کرتے ہوئے لاک ڈاؤن کا فیصلہ موخر کردیا تھا لیکن ایسے میں پی ٹی آئی رہنماء علی امین گنڈا پور کی گاڑی سے ایک پراسرار بوتل برآمد ہوئی تھی جو پولیس نے قبضے میں لے لی تھی جبکہ اس ضمن میں پی ٹی آئی کے رہنماء کاکہناتھاکہ یہ خالص شہد کی بوتل تھی ، اب ایک مرتبہ پھر نجی ٹی وی چینل کے پروگرام میں بوتل کا ذکر ہوا تو علی امین گنڈا پور نے پروگرام کے بعد گاڑی کھول کر دکھانے کا وعدہ کرلیا لیکن جب کھولا گیا تو کیا نکلا؟ آپ خود ہی دیکھ لیں ۔ واقعات کے مطابق اے آروائے نیوز کے پروگرام میں گفتگو کرتے ہوئے سینئر تجزیہ نگار ارشاد بھٹی نے طنزیہ انداز میں کہا کہ جس دن یہ اسلام آباد میں زگ زیگ بھاگے تھے، مجھے اسی دن اندازہ ہوگیا تھا کہ مولانا فضل الرحمان کو واضح برتری کیساتھ ہرائیں گے جس پر وسیم بادامی نے لقمہ دیتے ہوئے کہا کہ جس دن شہد برآمد ہوا تھا۔پھر پروگرام میں موجود جے یوآئی کے رہنماء حافظ حمداللہ نے بتایاکہ وہ خالص شہد کی برکت تھی ۔ بالآخر

پروگرام میں ہی شریک علی امین گنڈا پور نے خاموشی توڑتے ہوئے بتایاکہ پروگرام کے بعد وہ جاتے ہوئے وسیم بادامی کیلئے شہد کی خالص بوتل چھوڑ کر جائیں گے تاکہ ثابت ہوجائے کہ میری گاڑی میں ہر وقت شہد کی خالص بوتل ہی ہوتی ہے۔پروگرام ختم ہوگیا، اس کے بعد علی امین گنڈا پور کی گاڑی کھولی گئی تو اس میں سے جو کچھ برآمد ہوا، وہ ارشاد بھٹی نے پوری دنیا کیساتھ شیئرکردیا اور لکھا کہ ’اس دن کا پتہ نہیں، آج گاڑی سے واقعی شہد نکلا، وسیم بادامی اور میری نظر میں علی امین گنڈا پور آج سے صادق اور امین۔۔‘‘

(Visited 756 times, 1 visits today)

Also Watch