مسلمان مہاجرین دیمک کی طرح ہیں، انہیں خلیج بنگال میں پھینک دیں گے، امیت شاہ

امیت شاہ


نئی دہلی : بھارت کی حکمران جماعت بی جے پی کے سربراہ نے غیر قانونی مسلمان مہاجرین کے خلاف کارروائی کا عندیہ دیتے ہوئے وعدہ کیا ہے کہ انہیں خلیج بنگال میں پھینک دیا جائے گا۔

تفصیلات کے مطابق بھارتی وزیر اعظم نریندر مودی کی جاعت بھارتیہ جنتا پارٹی (بی جے پی) کے سربراہ اور مودی کا دایاں بازو سمجھے جانے والے امیت شاہ نے مسلمانوں کے ہزرہ سرائی کرتے ہوئے کہا ہے کہ مہاجرین دیمک کی طرح ہیں انہیں ایک ایک کرکے اٹھائیں گے اور خلیج بنگال میں پھینک دیں گے۔

مقامی خب رساں ادارے کا کہنا ہے کہ امیت شاہ کے اس بیان پر اپوزیشن جماعت کانگریس کی جانب سے تنقید کی گئی ہے جبکہ سوشل میڈیا پر بھی اس بیان کو ناپسندیدگی کا اظہار کیا گیا ہے۔

بھارتی ٹی وی کے مطابق بی جے پی کے صدر امیت شاہ نے مشرقی ریاست بنگال میں ریلی سے خطاب کرتے ہوئے اس طرح کے مہاجرین کو دیمک قرار دیتے ہوئے کہا کہ بیرونی لوگ بنگال کی سرزمیں میں دیمک کی طرح ہیں۔

ان کا کہنا تھا کہ بی جے پی دراندازوں کو ایک ایک کرکے اٹھائے گی اور انہیں خلیج بنگال میں پھینک دے گی، کیرالا کرسچن فورم کی جانب سے جاری ایک بیان میں کہا گیا کہ یہ بیان ایک سیکیولر ریاست قوم کی شناخت اور خود مختاری پر براہ راست حملہ ہے۔

بھارتی خبر رساں ادارے کے مطابق بھارتیہ جنتا پارٹی کے ترجمان نے پارٹی صدر کی تقریر پر اپنا ردعمل دینے سے گریز کیا۔

کانگریس کے ترجمان سنجے جھاکا کہنا تھا کہ امیت شاہ کا بیان ووٹرز کو تعصب کی جانب دھکیلنے کی براہ راست کوشش ہے۔

ان کا مزید کہنا تھا کہ بی جے پی کا سیاسی ماڈل نفرت کے ٹمپریچر کو بڑھانے اور اس ٹمپریچر میں بھارت کو مذہبی طور پر تقسیم کرنے کےلئے ہے۔

خیال رہے کہ گزشتہ روز بی جے پی کی رہنما مانیکا گاندھی نے جلسے کے دوران پنڈال میں موجود تمام ووٹرز کو کہا تھا کہ وہ ان کا پیغام ہر جگہ پھیلا دیں کہ وہ مسلمان ووٹرز کے بغیر جیتنا نہیں چاہتیں، اگر ایسا ہوگیا تو مسلمان مشکل میں آجائیں گے۔

ARY NEWS

(Visited 169 times, 1 visits today)



Also Watch

LEAVE YOUR COMMENT