میری نند کا بیٹا میرے بیٹے سے زیادہ خوبصورت کیوں ہے؟ ممانی نے حسد میں نند کے ڈیڑھ سالہ بیٹے کو قتل کر دیا

کھاریاں میں ڈیڑھ سالہ بچے کےبعداز اغوا اندھے قتل کے واقعہ کا ڈراپ سین، قاتل کوئی اور نہیں اپنی ہی ممانی نکلی، یہ بچہ میرے بیٹے سے زیادہ خوبصورت تھا دیکھ کر شدید حسد محسوس کرتی، برداشت نہ ہوا تو اغوا کے بعد شدید تشدد کا نشانہ بنانے کے بعد قتل کرکے لاش صندوق میں پھینک کر بند کر دی، درندہ صفت عورت نے پولیس تفتیش میں اعتراف جرم کر لیا۔ تفصیلات کے مطابق پولیس نے کھاریاں میں ڈیڑھ سالہ بچے کے بعداز اغوا اندھے قتل کے

واقعہ کا سراغ لگا لیا ہے۔ ڈیڑھ سالہ سلمان فیصل کوگزشتہ ہفتے اغوا کیا گیا تھا جس کے بعد اس کی لاش برآمد ہوئی تھی ، پولیس نے پہلے تو معاملے کو اندھا قتل قرار دیا تاہم قتل کی تحقیقات جاری رکھی گئیں جس کے دوران شک پڑنے پر جب پولیس نے ننھے سلمان کی ممانی سے تفتیش شروع کی تو اس نے اعتراف جرم کر لیا۔ ملزمہ نے پولیس تفتیش کے دوران بتایا کہ وہ ننھے سلمان سے حسد محسوس کرتی تھی اسے جلن ہوتی تھی کہ اس کی نند کا بیٹا اس کے بیٹے سے زیادہ خوبصورت ہے اور اسی مکروہ حسد کے جذبے کے تحت اس نے ننھے سلمان کو اغوا کیا اور شدید تشدد کا نشانہ بنانے کے بعد قتل کر دیا ، یہی نہیں بلکہ اسکی لاش کو بے رحمی سے صندوق میں ڈال کر پھینک دیا۔ ملزمہ نے پولیس کو بتایا کہ وہ بچے کو قتل سے قبل شدید تشدد کا نشانہ بناتی رہی جبکہ بچے کی لاش پر بھی تشدد کے نشانات پائے گئے تھے۔حسد کی آگ میں جھلس کرکی گئی اس درندگی پرننھے مقتول کے اہل خانہ اور قریبی عزیزوں ابھی تک سکتے کے عالم میں ہیں اور انہیں یقین نہیں آرہا ہے کہ کوئی ماں کسی دوسری ماں کی گود اس طرح بھی اجاڑ سکتی ہے۔ بچے کی والدہ اپنی بھابھی کے ہاتھوں اپنے ننھے بچے کے اندوہناک قتل پر غم سے نڈھال ہےاور اس پر ابھی تک غشی کے دورے پڑ رہے ہیں۔

(Visited 564 times, 1 visits today)



Also Watch

LEAVE YOUR COMMENT