پاکستانی قونصل خانہ دبئی کا اہم اعلان

دبئی: پاکستانی قونصل خانے نے وطن واپس جانے والے پاکستانیوں کے لیے اہم اعلان کرتے ہوئے کہا ہے کہ کل بروز پیر سے ٹکٹوں کی بکنگ کا آغاز ہو جائے گا۔

دبئی میں پاکستانی قونصل جنرل احمد امجد علی کے مطابق ایئر لائنز اور ٹریول ایجنٹس کل سے وطن واپس جانے والے پاکستانیوں کی بکنگ شروع کریں گے۔

قونصل جنرل کا کہنا ہے کہ پی آئی اے کا کل سے شیڈول آ رہا ہے جب کہ یواے ای کی دیگر ایئرلائنز بھی محدود آپریشن کر رہی ہیں۔

ان کے مطابق 141پرواز وں سے30ہزار سے زائدپاکستانی وطن واپس گئے، ضرور ت مند561 افراد کو مفت ٹکٹس فراہم کیے گئے۔

یہ بھی پڑھیں :متحدہ عرب امارات، لاک ڈاؤن میں نرمی کا ناجائز فائدہ اٹھانے والوں کے لیے بڑی خبر

قونصل جنرل احمد امجد علی نے بتایا کہ کورونا وبا میں 17ہزار راشن بیگز 460 افراد کو کھانا اور رہائش دی، دل کھول کر ساتھ دینے والوں کے شکرگزار ہیں۔

واضح رہے کہ کورونا لاک ڈاؤن کی وجہ سے بے روزگار اور وطن واپس آنے کے خواہش مند افراد کے لیے حکومت نے خصوصی اقدامات کیے اور اس سلسلے میں دبئی قونصل خانہ بھرپور تعاون اور کوششیں جاری رکھے ہوئے ہے۔

(Visited 187 times, 1 visits today)

Also Watch